Lenovo наводно развива своја конзола што би требало да се појави со името Legion Go. Во споредба со Steam Deck и ASUS ROG Ally, Legion Go се очекува да биде со поголем 8-инчен екран, што за многу гејмери би можело да биде доволна причина да се одлучат точно за Lenovo уредот за играње.

Конзолата би требало да има поддршка за Windows 11 за максимална гејмерска компатибилност, а ќе се покрене со новата генерација на AMD процесорите - Phoenix. Од AMD велат дека станува збор за хардвер наменет за ultrabook компјутери, наменети за играње, вештачка интелигенција и графика.