Француското тело за заштита на потрошувачите одреди парична казна од 25 милиони евра за американскиот производител на потрошувачка електроника Apple. Компанијата на Тим Кук не ги известила корисниците на постарите верзии на iPhone дека ажурирањето на новата верзија на оперативен систем ќе го забави нивниот уред.

Apple пред две години призна дека неговиот iOS ги забавува старите iPhone телефони, особено оние што се со послаба батерија. После спроведената истрага и признанието од Apple, заклучено е дека сопствениците на iPhone не биле информирани дека инсталирањето на најновите верзии на оперативен систем ќе ги забави нивните уреди. Сопствениците на постари модели на iPhone размислуваат за подигнување на тужби поради оваа причина.