Избраниот градоначалник на Њујорк, Ерик Адамс, на Twitter објави дека сака првите три плати да му бидат исплатени во bitcoin, затоа што со тоа сака да изрази надеж дека Њујорк ќе стане место каде што индустријата на криптовалути е добредојдена.

Се разбира, не е реално тоа што првите плати ќе му се исплатат во bitcoin на Адамс, затоа што градскиот систем за плаќање на Њујорк не е направен за исплата во криптовалути и се прашуваат како би функционирало тоа со оглед што цената на bitcoin е волатилна. Оданочувањето е исто така проблем при исплатата во bitcoin. Без разлика дали тоа ќе се случи или не, Адамс испраќа јасна порака што планира како градоначалник, а тоа е прифаќањето на bitcoin и криптовалутите: „Во Њујорк, ние секогаш играме на големо, па своите први три плати ќе ги земам во bitcoin кога ќе станам градоначалник. Њујорк ќе стане средиште на индустријата со криптовалути и други брзорастечки, иновативни индустрии“.