Samsung Mobile направи еден мал компромис во дизајнот на премиум смартфоните Samsung Galaxy S6 и Galaxy S6 Edge кои не се водоотпорни сметајки дека овој додаток нема да промени ништо посебно, но затоа пак за фановите подготвува посебна Active која наскоро ќе се најде на пазарот.

 

 

Најновите податоци од Bluetooth сертификацијата откриваат дека Active верзијата на Samsung Galaxy S6 ќе ги задржи сите моќни компоненти како 5.1 инчен Quad HD дисплеј, осум-јадрен Exynos 7420 процесор, 3 GB RAM, 16 мегапикселна камера, а се очекува и многу подобра батерија со капацитет од 3500 mAh. Пласманот на Samsung Galaxy S6 Active го очекуваме наскоро.