Xiaomi Redmi 9A: Крал на евтините смартфони

Xiaomi е еден од првите брендови што секогаш имаат буџетски смартфон до 100 евра, па и помалку. Redmi серијата секогаш е на листата на многу купувачи, а Xiaomi Redmi 9A е еден од нив. Xiaomi Redmi 9A е речиси како Redmi 9C.

Дисплеј

Xiaomi Redmi 9A располага со 6.53-инчен IPS DotDrop дисплеј со HD+ резолуција (1600 x 720) со мал засек од горната страна со 13MP предна камера. Нема Corning Gorilla Glass заштита на екранот, но не е страшно. Максималната светлост на екранот изнесува 400 нити со автоматско подесување. Има и режим за сончева светлина - Sunlight Mode, кој што ја подесува светлоста за да ја зголеми кога автоматското подесување е исклучено. Автоматското подесување е за мрачни и за светли места, а Sunlight Mode е добар за употреба кога имате премногу светол амбиент. Имате и Режим за читање, Шема на бои, и Мрачен режим.

Софтвер

Xiaomi Redmi 9A има MIUI 12 кориснички интерфејс, кој што се базира на Android 10 оперативен систем. Redmi 9 е со MIUI 11 кориснички интерфејс, така што има подобрување кај новата верзија. MIUI 12 има неколку нови UI, визуелни и други подобрувања во споредба со претходната верзија. Има нови анимации, нови позадини, нови гестикулации, подобрен мрачен режим, подобрена безбедност и приватност и друго.

Хардвер

Xiaomi Redmi 9A има MediaTek Helio G25 процесор за гејминг, но Helio G25 е само пренаменет MediaTek Helio P22, освен тоа што сега има HyperEngine Technolgy, што според MediaTek, подобро го оптимизира телефонот и му дава подобри перформанси. Се разбира, не може со него да играте којзнае какви игри и да добиете екстравагантна графика, туку може да играте нешто што не бара моќни перформанси.

8-јадрениот Cortex-A53 процесор со 2GHz и PowerVR GE8320 графика, 2GB RAM меморија и 32GB внатрешна меморија е нешто што дава добри резултати. Може на пример да ги играте Mobile Legends и Call of Duty, но ќе имате и малку кочење. 

Камера

Redmi 9A располага со двојна задна камера од 13MP f/2.2 со LED блиц, додека предната селфи камера е со 5MP f/2.2 за да о безбеди селфи фотографии и видео повици. Со фотографијата нема да бидете воодушевени, но сепак ќе може да направите спомени со вашите најблиски, да сликате и да фотографирате, зависи каков тип на корисник сте.

Батерија

Имате во пакет полнач од 10W и MicroUSB кабел, без слушалки и футрола. Xiaomi Redmi 9A има масивна батерија од 5,000mAh, која е иста колку Redmi 9C. За да ја наполните батеријата ви се потребни 3 часа од 0-100%. 

Заклучок

Xiaomi Redmi 9A има спецификации што ги покриваат сите основни потреби на корисниците, со добар квалитет во перформансите и дизајнот, има огромен дисплеј со HD резолуција, за видео повици или учење од дома, добар софтвер и голема батерија.

Затоа би можеле да го прогласиме за кралот на евтините смартфони, достапен за сечиј џеб.