HTC разочара - Нема Lollipop за One mini 2
Објавено на 02.05.2015 во Новости
HTC уште во октомври кога беше промовирана новата верзија на оперативниот систем Android 5.0 Lollipop вети дека ќе има надградба на софтверот за најдобрите смартфони во понудата меѓу кои и HTC One mini 2 но, за жал не го одржа ветувањето. Од HTC изјавија дека One mini 2 нема да добие нов софтвер бидејќи перформансите со Lollipop нема да бидат на посакуваното ниво и ќе има проблеми во функционирањето.
.jpg)
Тоа е малку чудно бидејќи Lollipop беше специфично креиран од Google да работи со послабо опремените смартфони и таблети и има висок степен на Run Time оптимизација, дури и со 512 MB RAM и дво-јадрени процесори.
Во таа смисла HTC One mini 2 воопшто не е за потценување бидејќи располага со четири-јадрен Qualcomm Snapdragon 400 процесор со Cortex-A7 технологија, Adreno 305 графичка и дури 1 GB RAM меморија што значи дека проблемот не е во хардверот туку во мрзливоста на компанијата да даде подршка и за нешто постарите телефони кои излегоа минатата година.
Текстот не смее да се печати или емитува, во целина или во делови без договор со Telefoni.mk.
