Samsung во 2017 - Голем пресврт за враќање на врвот

Објавено на 29.12.2017 во Рецензија


Samsung во 2017 - Голем пресврт за враќање на врвот

Оцени

usability
10.0


Перформанси
10.0


Цена
10.0


Камера
10.0


резултат
10.0


Наши забелешки

Positives:

- Пресврт во годината

- Многу новитети

 

Negatives:

 

- Недоволно развиен Bixby систем



Целата рецензија

Samsung 2017 година имаше тежок старт по фијаското со фаблетот Samsung Galaxy Note 7 кој имаше фабрички проблематични батерии кои предизвикуваа дури и експлозии и се палеа, па беа забранети и во авиокомпаниите. Од работ на губење на довербата кај јавноста и долгогодишните корисници, Samsung успеа да направи целосен пресврт, најпрво реши да ги надомести сите корисници кои купиле Galaxy Note 7 и уредот целосно го повлече од продажба трпејќи загуба од речиси 2 милијарди долари. 

Затоа Samsung мораше многу да вложува во новата понуда и да понуди гаранција дека следните смартфони ќе немаат никакви проблеми и грешки во производството. Токму од таа причина не се брзаше премногу за да го лансира премиум смартфонот Samsung Galaxy S8 со кој од старт ги освои сите симпатии како на корисниците и фановите така и на стручната јавност.

Samsung Galaxy S8 беше нивни прв смартфон со најиновативниот Infinity дисплеј со HDR10 поддршка, со размер од 18,5:9 со целосна искористеност на предната површина со минимална рамка која го опкружува и големина од 5.8 инчи која е одлично вклопена во целиот дизајн па така и покрај повеќето инчи има речиси исти димензии како и претходниот модел кој имаше 5.1 инчен дисплеј. 

Со Samsung Galaxy S8 за прв пат беше претставен дигиталниот асистент Bixby со софтвер за вештачка интелигенција која го „учи“ самиот корисник и треба да му ги обезбеди сите неопходни информации во модерната интернет ера. За тоа е сместено и посебно физичко копче на левата страна. Инаку, Samsung Galaxy S8 е еден од најмоќните смартфони годинава со Exynos 8895 процесорот и е совршен за мултимедија и работа со апликации, со безжично и брзо полнење на батеријата и водоотпорен IP68 сертификат за заштита од надворешни влијанија. Тој исто така се покажа како хит во продажбата па на Samsung му донесе голем профит и враќање на голема врата во премиум класата.

Samsung годинава може да се пофали и со фаблетот Samsung Galaxy Note 8 кој ги надомести сите грешки од претходникот, а со тоа и повторно да ги убеди корисниците во бизнис и продуктивната класа дека имаат уред на кого можат во секое време да се потпрат, со слични технологии како кај Samsung Galaxy S8, но се повеќе можности за мултитаскинг, како и огромен 6.3 инчен Infinity дисплеј со S Pen пенкалце за внес на текст, цртежи и команди. Фаблетот Galaxy Note 8 го има и Iris скенерот со кој поставува повисоко ниво на безбедност и заштита на корисникот при верификација.

Од софтверот на Samsung покрај асистентот Bixby на кој ќе му треба повеќе време за развој за издвојување е и Samsung DeX опцијата за поврзување на смартфон со десктоп единица за поголема прегледност и напредна работа исто како кај лаптоп или PC. 

Samsung годинава имаше многу поконцентрирана понуда за корисниците во пост-пејд сегментот нудејќи ги евтините и лесно достапни Galaxy J смартфони од 2017 генерацијата со одличен дизајн, солидни перформанси и многу квалитетни компоненти за прифатливи цени кои целосно го пренесуваат суштинското Samsung корисничко искуство. 

Перспективите на Samsung за 2018 година се одлични бидејќи цврсто ја води битката во премиум класата со Apple, дури и подобро од очекувањата, а на повидок има неколку нови технологии како флексибилни и превиткливи P-OLED екрани, смарт звучници, експерименти во виртуелната и пренесената реалност и нови софтверски алатки за поголема ефикасност, па чекаме да видиме со што Samsung ќе не изненади во годината која ни претстои.

Автор: Христијан Станоевиќ

Дали ви се допадна рецензијата? Ако имате нешто да дополните ве молиме напишете коментар


За авторот

Христијан Станоевиќ
Author Image
Дипломиран новинар



 
Најнови телефони
 
  • iPad 9.7 (2017)
  • Gear S
  • Gear S2 3G
  • Gear S2 classic 3G
  • Galaxy Tab S2 9.7
  • Galaxy Tab S2 8.0
  • Galaxy Tab 4 10.1 (2015)
  • Galaxy Tab E 9.6
  • Galaxy Tab 3 V
  • Galaxy Tab A 9.7 & S Pen