LG G4 Note ќе биде првиот металец на LG
Објавено на 23.03.2015 во Новости
LG Mobile досега лансираше неколку екстра квалитетно изработени смартфони со примена на метални елементи, но се уште нема производ како HTC One или Samsung Galaxy S6. Тоа најверојатно нема да се смени со премиум смартфонот LG G4 кој ќе ја задржи цврстата пластика со алуминиумска рамка, но затоа пак неговиот поголем брат LG G4 Note ќе биде прав металец.
Според протечените информации во LG G4 Note ќе бидат вложени сите напори на LG Mobile да му се спротистави на Samsung и нивниот екстра фаблет Galaxy Note 5 кој ќе биде претставен во исто време наесен, што значи дека ќе додаде и Stylus пенкало како и многу моќни компоненти.
LG G4 Note најверојатно ќе биде еден од првите смартфони кои ќе го користат осум-јадрениот Qualcomm Snapdragon 815 процесор кој за разлика Snapdragon 810 ќе биде поефикасен и нема да се прегрева. Исто така LG G4 Note ќе понуди моќна графика, камера и Quad HD дисплеј.
Текстот не смее да се печати или емитува, во целина или во делови без договор со Telefoni.mk.
