Samsung S8600 Wave 3: Трета среќа

 

Bada 2.0 носи новини во основниот екран - Live Panel, лента со многу видгети која најдобро функционира преку „срколање“. Тука се новите менија, the галеријата, мултимедијалните плеери, веб-пребарувачот и уште многу други новини.

 

На екранот пред отклучување, додадени се многу работи. Прво тука е видгетот за временската прогноза кој ви ја прикажува моменталната температура и анимација за моменталната временска прогноза. Ако имате пропуштен повик или ви работи музичкиот плеер – потребно е само едно мало пролизгување за отклучување на екранот.

 

Основниот екран се „протега“ до 10 екрани за да ги смести вашите апликации. Тука најпрво во пресрет ви излегува лентата за основниот екран со име Live Panel каде можете да ги најдете основните видгети како AccuWeather, Yahoo Finance, AP mobile, календар и пребарување. Долниот дел од Live Panel е резервиран за контактите.

 

Најдобриот видео плеер

 

Одличниот Super AMOLED дисплеј е одличен за гледање видеа. Интерфејсот на видео плеерот е едноставен, но моќен.Тој поддржува многу формати како DivX/XviD/MP4/H.264/MKV и адудио кодекот AC3. А најинтересено е тоа што можете да вклучите и преводи си филмовите.

 

Видеата со висока резолуција се гледаат одлично –Wave 3 одлично се справува со видеа од 720p – без проблем ги пушта и филмовите со DivX, XviD, MP4 и MKV формат.

 

Одлична камера

 

Како и неговите претходници, Samsung S8600 Wave 3 има солидна камера која прави одлични фотографии и видеа од 720p.

 

Сите поважни опции се приспособливи: ISO, white balance, default storage, стабилизатор, препознавање на лица, геотагирање итн. Сликите можете да ги зачувате на меморијата од телефонот или microSD картичката.

 

Dolphin е вашиот пребарувач

 

Samsung S8600 Wave 3 packs доаѓа со најновата верзија на Samsung Dolphin пребарувачот кој се базира на Webkit, но тој е малку поразличен – личи на основниот пребарувач на Android. Кога работите во него, на располагање ги имате само полето за внесување адреси и копчето „refresh“, но и тие се губат при зумирање.  

 

Bada 2.0 нуди поддршка за Flash Lite и повеќето видеа од 360p работат без провблем. Пребарувачот Dolphin истовремено нуди и апликација за преземање, пребарување на веб-страна и брз пристап до разни опции. На пример, ако многу долго време го држите притиснат прстот врз некој збор ќе добиете разни алатки, за селекција, копирање и преведување.
 

GPS навигацијата чини многу

 

Софтверот за навигација кај Samsung S8600 Wave 3 може многу брзо да го претвори телефонот во систем за навигација -  SatNav.

 

Wave 3 доаѓа со апликацијата Samsung LBS, која се базира врз познатата апликација за мобилни уреди, ROUTE66. Иако нема некоја кој знае каква графика, сепак во однос на перформанси не ѝ фали ништо. Дури има и гласовна навигација и голем број други опции.

 

Но, задоволството ќе ви го распие пробниот период од само 30 денови, по кој треба да платите многу скапа лиценца.

 

Заклучок

 

Иако Bada OS можеби е потисната од многу уреди со Android или замавот на Windows Phone 7, сепак овде се работи за потполно нова платформа вклопена во добар уред.

 

Поминаа речиси две години од претставувањето на првиот Wave. Bada OS, ако можеби не толку брзо како што очекувале од Samsung, сепак станува сè подобра и функционална што одлично се докажува кај Wave 3.

 

Но, да се вратиме на „муабетот“. Идејата на Samsung беше да се создаде смартфон за масовна упоотреба од различна социјална група. Wave 3 можеше да биде опремен со Android – но, ќе беше досаден, бидејќи денес секој втор уред доаѓа со Android.

 

Значи, телефонот си има свој стил, свој OS и своја приказна. Да видиме дали ќе стане и ваша приказна.

 

Владимир Ѓуров