Мистериозен BlackBerry смартфон со Samsung Exynos 7420
Објавено на 24.11.2015 во Новости
На бенчмарк сајтовите откриен е нов BlackBerry смартфон кој работи со осум-јадрениот Samsung Exynos 7420 процесор кој е убедливо еден од најмоќните. Претходно двете компании потпишаа договор за соработка за безбедносниот софтвер, а само прашање на време беше кога ќе соработуваат и во делот на хардверот.
За новиот BlackBerry смартфон поддржан од Samsung познато е и дека ќе има 5.1 инчен Quad HD дисплеј, 3 GB RAM, 32 GB меморија, 16 мегапикселна камера, Android 5.1.1 оперативен систем и физичка QWERTY тастатура. Досега протече информација за BlackBerry Vienna кој се мислеше дека ќе биде поевтин смартфон со послаби спецификации, но очигледно е или нов модел или првичните детали биле погрешни.
Текстот не смее да се печати или емитува, во целина или во делови без договор со Telefoni.mk.
