Почина Кевин Митник, еден од најбараните американски хакери на 20 век

Кевин Митник почина на 59-годишна возраст, кој се смета за еден од најопасните хакери од 20 век. Тој бил во затвор поради хакерски криминал, а кога излегол од затвор, станал експерт за информатичка безбедност. Причина за смртта на Митник биле повеќекратни компликации предизвикани од рак на панкреасот. 

Пред да оди во затвор, Митник бил на списокот на најбарани сајбер криминалци на Федералното биро за истраги (FBI).  The Washington Post нагласи дека на почетокот на ерата на сеприсутноста на интернетот, тој успеал да ги хакира компјутерските системи на тоггашните технолошко-комуникациски гиганти како „Motorola“, „Nokia“ и „Sun Microsystems“, нанесувајќи им милионски штети. Во ноември 2011 година, Кевин Митник станал главен експерт за хакерски напади и косопственик на „KnowBe4“, американска компанија за обука на специјалисти во областа на кибернетичката безбедност.