Samsung ги претстави новите супер квалитетни таблети
Објавено на 07.01.2014 во Новости
Samsung Mobile официјално ги претстави четирите нови таблети за кои дознавме информации уште пред еден месец. Се работи за сосема нова Galaxy Pro серија на таблети со оперативен систем Android 4.4 KitKat со големина од 8.4, 10.1 и 12.2 инчи и еден таблет од серијата Galaxy Note Pro исто така со големина од 12.2 инчи.
Најмалиот нов таблет Samsung Galaxy Note Pro 8.4 има димензии од 219 x 128.5 x 7.2 mm, тежина од 336 грама и задната страна е обвиткана со мека кожа, а истиот материјал е искористен и кај останатите таблети.
Samsung Galaxy Note Pro 8.4 има 8.4 инчен LCD екран со HD резолуција од 1600 x 2560 пиксели, работи на четири-јадрениот Qualcomm Snapdragon 800 процесор со брзина од 2.3 GHz, има 2 GB RAM со модели од 16 и 32 GB вградена меморија и можност за надополнување преку мемориска картичка. Најмалиот таблет работи и на најмалата батерија во ова друштво со капацитет од одлични 4800 mAh, како и 8 мегапикселна камера.
Samsung Galaxy Tab Pro 10.1 има нешто покомпактни димензии од 243.1 x 171.4 x 7.3 mm со тежина од 477 грама, додека HD резолуцијата на екранот е идентична како кај помалиот, но и поголемиот екран од 12.2 инчи. Galaxy Tab Pro 10.1 има мега батерија со капацитет од 8220 mAh, а промената во хардверот е осум-јадрениот процесор Exynos 5 Octa 5420 во комбинација со Quad-core 1.9 GHz Cortex-A15 и quad-core 1.3 GHz Cortex-A7.
Следен на листата е третиот таблет од серијата Galaxy Tab Pro со рекордна големина на екранот од 12.2 инчи и тој има димензии од 295.6 x 204 x 7.95 mm со тежина од 740 грама, подобрен хардвер со 3 GB RAM и модели со 32 и 64 GB вградена меморија.
За на крај го прикажуваме и најдоброто, а тоа е единствениот таблет од годинешната промоција на Samsung на CES 2014 кој припаѓа на класата Galaxy Note Pro од 12.2 инчи со димензии од 295.6 x 204 x 7.95 mm и тежина од 753 грама.
Samsung Galaxy Note Pro 12.2 ќе работи со функционалното S пенкало, а има за нијанса поквалитетна батерија со капацитет од неверојатни 9500 mAh. Во продолжение погледнете и по која цена ќе се продаваат овие четири таблети, заедно со нивните модели со LTE мобилна мрежа.
Samsung Galaxy TabPRO 8.4, Wi-Fi: €389
Samsung Galaxy TabPRO 8.4, LTE: €519
Samsung Galaxy TabPRO 10.1, Wi-Fi: €479
Samsung Galaxy TabPRO 10.1 LTE: €609
Samsung Galaxy TabPRO 12.2, Wi-Fi: €649
Samsung Galaxy TabPRO 12.2, LTE: €749
Samsung Galaxy NotePRO 12.2, Wi-Fi: €749
Samsung Galaxy NotePRO 12.2, LTE: €849
Автор
Христијан Станоевиќ
Текстот не смее да се печати или емитува, во целина или во делови без договор со Telefoni.mk.
