Google ги натовари камилите за Desert View
Објавено на 10.10.2014 во Timeless
Популарниот сервис Google Maps ќе добие нова богата понуда на опцијата Street View кој асега слободно може да се преименува во Desert View, бидејќи Google изврши скенирање на пустината Лива во Абу Даби, Обединети Арапски Емирати.
За таа цел Google ангажираше повеќе авантуристи кои имаа задача да направат снимки и фотографии од 360 степени во пустината, а автомобилите Google Car сосема разбирливо се заменети со камили.
На овој начин мапите на Google ќе ни донесат уште еден импресивен додаток за преглед на пустинските предели од далечина и истите може да бидат корисни за жителите и сите каравани на туристи и патници.
Текстот не смее да се печати или емитува, во целина или во делови без договор со Telefoni.mk.
