Samsung Galaxy A73 би можел да пристигне со кинески OLED екран
Samsung е многу сериозен за својата Galaxy A серија со добра причина, затоа што има одлични резултати со нејзе во минатите неколку години. Samsung и кинескиот производител на екрани BOE, веќе развиваат екрани за Galaxy A73 2022. Се уште нема официјални податоци, но Samsung само сака да ги провери OLED екраните на кинеските компании за својата Galaxy A линија.
Samsung Galaxy A73 се очекува да пристигне на почетокот на 2022 година со главна камера од 108MP, ISOCELL HM2 1/1.52" сензор, 6.7-инчен Super AMOLED Full-HD+ (1080x2400) дисплеј од 90Hz, густина на пиксели од 393ppi. Задната камера ќе биде со четири сензори: 108MP (f/1.8), 12MP (f/2.2) ултрашироки леќи, 8MP (f/2.4) телефото сензор и 5MP (f/2.4) макро камера. Селфи камерата од предната страна ќе биде 32MP (f/2.2).
Snapdragon 750G би можел да се најде во Galaxy A73 или пак Snapdragon 730G. Може да го има и со Exynos процесор со AMD графика. RAM меморијата би можела да биде 6 или 8GB и 128GB внатрешна меморија.
