Рендери со Samsung Galaxy Tab S9 Ultra во видео со 360 степени

Објавено на 26.05.2023 во Android



Рендери со Samsung Galaxy Tab S9 Ultra во видео со 360 степени

Samsung Galaxy Tab S9 Ultra , заедно со Galaxy Tab S9, и Galaxy Tab S9+, се очекува да бидат откриени на следниот Unpacked евент на крајот на јули месец. Освен таблетите, ќе бидат лансирани и преклопните смартфони Galaxy Z Fold 5 и Galaxy Z Flip 5, како и новиот смарт часовник Galaxy Watch 6. Нови слушалки ќе има исто така.

Galaxy Tab S9 Ultra ќе биде интересен премиум таблет, затоа што ќе биде со голем 14.6-инчен дисплеј со резолуција од 2960 x 1848 пиксели, Snapdragon 8 Gen 2 for Galaxy процесор, 8GB/12GB/16GB RAM меморија, великодушна батерија од 11,200mAh и 45W брзина на полнење. 

Внатрешната меморија се очекува да биде UFS 4.0: 128GB, 256GB, или 512GB. Galaxy Tab S9 Ultra ќе биде со вклучен S Pen, Android 13 и One UI 5.1 кориснички интерфејс.

Автор: Aleksandar Stankov

Текстот не смее да се печати или емитува, во целина или во делови без договор со Telefoni.mk.