Протече Android 4.3 за Samsung Galaxy S III-Линк за инсталација
Објавено на 03.11.2013 во Новости
Официјалната надградба на Samsung Galaxy S III со најновиот оперативен систем Android 4.3 Jelly Bean требаше да се случи уште претходниот месец, но сеуште доцни промената за софтверот. Сега е откриена конечната верзија на Android 4.3 која е објавена од страна на сајтот SamMobile.
Доколку повеќе не ви се чека вашиот Samsung Galaxy S III да дојде на ред за долго очекуваната надградба, тогаш може да ги земете работите во свои раце и самите да ја инсталирате. SamMobile успеале да го добијат официјалниот firmware, но препорачуваат претходно да направите backup на смартфонот, во случај на грешка во софтверот.
Со надградбата на Android 4.3 Jelly Bean доаѓаат повеќе промени, но и во овој случај ќе остане истиот визуелен интерфејс на оригиналниот Samsung Galaxy S III, додека промените се главно распоредени во системот и опциите. Надградбата може да ја превземете од SamMobile каде е прикажано и детално упаство за инсталација со сите потребни чекори.
Текстот не смее да се печати или емитува, во целина или во делови без договор со Telefoni.mk.
