Alcatel OneTouch Hero 2 е новиот херој во средната класа
Објавено на 05.09.2014 во Новости
Alcatel го промовираше новиот „херој“ кој совршено ќе одговори на потребитe на корисниците за голем, но поевтин фаблет со сите модерни додатоци и компоненти. Alcatel OneTouch Hero 2 има огромен 6 инчен IPS дисплеј со Full HD резолуција од 1080 x 1920 и Dragontail заштитно стакло, како и цврсто алуминиумско тело.
Фаблетот работи на осум-јадрен MediaTek MT6592 процесор од 2 GHz, 2 GB RAM, 16 GB меморија и слот за microSD. Батеријата со капацитет од 3,100 mAh ќе биде доволна за долготрајна активна работа, а Alcatel OneTouch Hero 2 може да се поврзе и со 4G LTE мобилна мрежа.
.jpg)
Alcatel OneTouch Hero 2 има 13 мегапикселна главна камера со HDR, Panorama и голем број на додатоци, додека предната камера од 5 мегапиксели е совршена за зависниците од селфи фотките. Фаблетот ќе се продава по цена од 350 евра и наскоро се очекува да пристигне во Европа.
Текстот не смее да се печати или емитува, во целина или во делови без договор со Telefoni.mk.
