iPhone добива нови функции, ќе има евтин iPad, Apple Watch добива редизајн

Apple WWDC ќе се одржи за неколку дена, каде што Тим Кук би можел да го претстави VR/AR уредот, за кој што велат дека може дури да го замени и iPhone. Ќе имаме и хардверски новитети, софтверски новости и оперативни системи за своите уреди.

Марк Гурман објави дека со новиот iOS, iPhone ќе добие нови функции, така што iPhone ќе може да се претвори во некој вид на смарт екран. iPhone во иднина би требал ода стане корисен кога ќе го поставиме на маса или на ноќно ормарче. Со заклучен уред, корисниците ќе може директно да управуваат со други смарт уреди во домаќинството.

Apple развива и евтин iPad, кој ќе има и опции за контрола на смарт уреди како што се: термостат, смарт осветлување и слично. Apple Watch ќе добие редизајн и значителни промени во апликацијата Wallet, надграден AirPlay и друго.