Microsoft го објави првото официјално видео за Windows 8.1
Денес Microsoft официјално ја најави новата верзија на Windows 8.1 претставувајќи видео од 4 минути во кое може да се види првичниот изглед на надградениот Windows 8.
Во видеото може да се видат новите опции кои се додадени на системот како и проблемите кои Microsoft ги реши со оваа верзија. Во Windows 8.1 ќе има нови големини на плочките, слики со рамки за заклучување на екранот, позадини на екранот, сортирање на апликациите, и се разбира враќање на Start копчето на десктопот.
Погледнете ја презенатцијата на Jensen Harris од новиот тим на Windows со промените кои ги донесува оваа надградба .
Како што можете да видите, најголем дел од промените се површни по нивната природа, и не многу во однос на функционалноста. Како и да е, повеќе за ова ќе дознаеме на 26 јуни кога Microsoft планира да ја претстави верзијата Windows 8.1 на годинешната конференција Build.