Icis се модерниот конкурент на Google Glass
Објавено на 19.02.2014 во Новости
Icis e најновиот конкурент на Google Glass, паметни очила кои ќе бидат пласирани на пазарот во наредниот период и на прв поглед воопшто не наликуваат на чуден хај-тек уред туку имаат дизајн кој ги прави многу модерни, практични и сосема вообичаени и најважно од се прилагодливи на секој лице.
Icis имаат HD екран и камера со висок квалитет, па така полето на видик ќе биде исполнето со виџети од левата и десната страна кои нема да го попречуваат корисникот, а исто така ќе биде прикажувана содржина од социјалните мрежи базирана на тоа што најмногу го интересира самиот корисник. Мотото на компанијата Laforge е дека секој има различен поглед на светот, а со паметните очила Icic може да видите многу повеќе.
Целта на компанијата Laforge е да собере средства за концептот на паметните очила Icis преку јавно финансирање а, заинтересираните ентузијасти ќе треба да платат 620 долари и модерните паметни очила ќе ги добијат во јануари 2015 година, кога се очекува пласманот на првата серија на Icis.
Текстот не смее да се печати или емитува, во целина или во делови без договор со Telefoni.mk.