Моќниот Samsung Galaxy Note 4 потврден во Јужна Кореја
Објавено на 03.08.2014 во Новости
Новиот фаблет Samsung Galaxy Note 4 веќе е потврден од мобилните оператори во Јужна Кореја каде е регистриран под кодното име SM-N910L, но не се објавени официјалните спецификации, освен тоа дека ќе има Quad HD дисплеј со резолуција од 2560 х 1440 пиксели.
Samsung Mobile на повеќе наврати ја тестираше љубопитноста на јавноста со пласирање на мали тизери со тоа дека Samsung Galaxy Note 4 ќе има нов вид на дизајн, употреба на премиум материјали како алуминиум и можеби примена на новиот флексибилен YOUM дисплеј.
Galaxy Note 4 ќе ја задржи големината на Super AMOLED дисплејот од 5.7 инчи, а ќе работи на четири-јадрен Qualcomm Snapdragon 805 процесор, 3 GB RAM, 16 мегапикселна OIS камера, 5 мегапикселна предна камера. Galaxy Note 4 официјалната промоција ќе ја доживее на 3 септември на IFA настанот во Берлин.
Текстот не смее да се печати или емитува, во целина или во делови без договор со Telefoni.mk.
