Google призна дека Google Glass се промашување
Google Glass беа пречекани со големо воодушевување уште при самото откривање во 2012-та, но потоа на површина испливаа сите можни проблеми кои доведоа до повлекување на очилата од продажба, па затоа конечно Google призна дека се големо промашување.
Од дивизијата Google X објаснија дека направиле грешка што дозволиле премногу да се крева фама и еуфорија за смарт очилата кои се уште не биле подготвени за продажба, туку само прототип наменет за девелопери. Google Glass беа забранети за користење во кино салите, кафе баровите, а одредени корисници беа и казнувани од сообраќајната полиција.
Тоа покажа прво дека општеството се уште не е подготвено за смарт очила како Google Glass кои може да ја нарушат приватноста, а како второ не ги исполнија ниту високите очекувања од технолошките можности, па затоа Google X си ја научи лекцијата и наредните модели ќе бидат пуштени во продажба дури кога доволно ќе се развие технологијата и свеста кај корисниците.