Samsung Omnia W добива Windows Phone Tango

Деновиве два поважни телефони ја добиваат надградбата Windows Phone Tango – покрај Dell Venue Pro сега и Samsung Omnia W ја има таа привилегија.

За да можете да ја преземете оваа надградба ќе треба да го поврзете телефонот со десктоп компјутерот – да, за жал, некои работи допрва треба да се менуваат.

Оваа надградба носи можност за додавање на мултимедијални фајлови во MMS формат, да извезувате и увезувате контакти кон и од телефонот и други функционални подобрувања.

За жал, споделувањето на интернет конекцијата, што Nokia го вети со оваа надградба за сите модели на Lumia, сè уште го нема и ќе мора да бидеме трпеливи.

Доколку го поседувате овој телефон досега би требало да имате известување. Доколку немате, поврзете го во Zune на десктоп компјутерот и видите дали е достапна надградбата.