Најавена Motorola Defy Pro со QWERTY тастатура

Motorola го најави нејзиниот прв член од Defy семејството на смартфони со QWERTY тастатура.

Новиот Defy Pro доаѓа со 2,7 инчен дисплеј со Gorilla Glass заштита и е обложен целосно или половина со гума. Телефонот, доаѓа со специјално дизајниран преден дел, а има три нови интерфејса: Outdoor View кој покажува временска прогноза, Hiking View кој покажува различни информации и детали за велосипедизам и Workout View кој доаѓа со стоперица и бројач на калории.

За остатокот од перформансите, има Wi-Fi конекција, камера од 5 мегапиксели, Bluetooth, GPS, DLNA и слот за мемориска картичка.

Телефонот прво ќе се појави во Бразил, а за жал, Motorola засега не ја спомена цената.