Интересни факти за мобилните телефони

Покрај секојдневните вести кои ни пристигнуваат за новите модели, технологии и стратегии на производителите на мобилните телефони некогаш ни одминува глобалната слика за значењето на ова неизбежно парче опрема. Сајтот за технологија Top computer science degrees изработи интересн инфографик кој дава поинаква перспектива на користењето на мобилните телефони.

Доколку ги погледнете податоците собрани во ова истражување изразено низ слики ќе дознаете дека речиси 85 проценти од светската популација поседува мобилен телефон, односно над 6 милијарди уреди ширум светот. Интересно е и што еден просечен смартфон поседува 3% злато, а доколку се наредат сите телефони еден врз друг ќе се достигне висина од 77.250 km.