HTC One наскоро со Windows верзија

Наскоро може да очекуваме нов смартфон на HTC кој ќе работи на оперативниот систем Windows Phone 8 а, наводно се води под кодното име Harmony. Тајванската компанија веќе лансираше неколку квалитетни Windows смартфони, но вистинскиот премиум предводник ќе биде идентичен како и HTC One, заедно со сите негови спецификации.

Благодарение на големата надградба на Windows Phone 8 HTC Harmony нќе може да го искористи 4.7 инчниот Full HD екран на HTC One, како и неговиот четири-јадрен Qualcomm Snapdragon процесор и ултрапиксел камерата.

Еден од најдобрите смартфони за оваа година HTC One доби неколку различни верзии како посебен смартфон во соработка со Google кој ќе работи на базичниот Android оперативен систем сличен како Nexus смартфоните, а промени имаше и во димензиите. Веќе е лансирана мини верзијата на HTC One, а овој одличен смартфон ќе добие и поголем брат со фаблетот HTC One Max.

Промоцијата пак на Windows верзијата на HTC One Harmony би требало да се одржи по добивањето на GDR2 надградбата од Microsoft закажана за наредниот месец.