Samsung го носи Android 4.4 KitKat во евтината класа
Објавено на 18.06.2014 во Новости
Samsung Mobile активно работи на проширување на Galaxy серијата на смартфони од средната и ниската класа, која искрено е тешко да се следи бидејќи има над 20 различни модели. Овој пат се очекува главна карактеристика на новите смартфони да биде употребата на Android 4.4 KitKat како голема софтверска надградба.
Први смартфони од новата серија со Android 4.4 KitKat ќе бидат Samsung Galaxy Pocket 2 и Galaxy Core 2 Duos кои веќе им се познати на купувачите и јасно е дека не треба да се очекуваат врвни компоненти, туку скрoмни уреди за пошироката побарувачка.
Galaxy Pocket 2 ќе биде мини смартфон со 3.2 инчен QWGA дисплеј, едно-јадрен 1.0GHz процесор, 512 MB RAM, 4 GB меморија и 2 мегапикселна камера, додека Galaxy Core 2 Duos доаѓа со 4.5 инчен WVGA дисплеј, четири-јадрен процесор, 768 MB RAM, 4 GB меморија и 5 мегапикселна камера.
Текстот не смее да се печати или емитува, во целина или во делови без договор со Telefoni.mk.
