Samsung Galaxy S6 е новиот iPhone 6 - Прва голема битка

Samsung Mobile ги освои сите почести со последното Galaxy Unpacked шоу на кое ги претстави супер смартфоните Samsung Galaxy S6 и Galaxy S6 Edge кои изгледаат фантастична, делуваат моќно и имаат голема амбиција да се најдат на врвот. HTC One M9 е симпатичен, но некако не воодушеви премногу, па затоа Samsung Galaxy S6 ќе го споредиме директно со кралот iPhone 6, кој според се што беше прикажано ќе треба да се плаши за својот трон.

 

 

Дисплеј

 

По кој знае пат Samsung Mobile го остава Apple неколку чекори назад со примената на Quad HD резолуцијата од 2560 х 1440 пиксели, а најблиску до квалитетот на Super AMOLED дисплејот на Samsung Galaxy S6 и Galaxy S6 Edge го има iPhone 6 Plus со Full HD резолуција. Разликата е очигледна и Apple ќе мора да се потруди да го надгради Retina стандардот за своите дисплеи бидејќи Samsung Galaxy S6 и Galaxy S6 Edge се одлични со висок степен на осветленост, минимална релфексија, прецизни бои и контраст и можност за гледање на 2К HD содржини.

 

 

Хардвер и перформанси

 

Samsung Galaxy S6 и Galaxy S6 Edge се првите смартфони кои користат мобилен процесор изработен со 14 nm процес што ќе биде клучно во напредните перформанси и заштеда на батеријата. Според првите тестови на бенчмарк сајтовите Samsung Galaxy S6 и Galaxy S6 Edge ги срушија сите рекорди, особено на Antutu каде со над 69 илјади поени поставија нов рекорд. iPhone 6 дуото секако, не смее да се потцени бидејќи 64 битниот A8 процесор е премногу квалитетен, а олеснителна работа е и оптимизацијата на софтверот. Сепак, Samsung Galaxy S6 и Galaxy S6 Edge одат чекор понапред со икористување на осум-јадра од Exynos процесорот и сите можни оптимизации од Android Lollipop и поедноставениот интерфејс TouchWiz. Samsung Galaxy S6 и Galaxy S6 Edge располагаат и со 3 GB RAM од најновата LPDDR4 класа.

 

 

Завршни зборови

 

Samsung Galaxy S6 и Galaxy S6 Edge се одлично дизајнирани смартфони, особено „остриот“ кој има дополнителни ленти на дисплејот на рабовите. За почеток тешко е да се најдат голем број на забелешки, но може со леснотија да прогнозираме дека со нив започнува втората ера на Samsung и дека популарноста која ја имаа iPhone 6 и iPhone 6 Plus полека ќе спласнува. Samsung би требало да ги освои сите корисници кои сакаат нешто свежо, ново, елитно, но и уред кој ќе се издвојува од мејнстримот од 2014 година, па затоа Samsung Galaxy S6 и Galaxy S6 Edge имаат голема можност да ја надминат продажбата на iPhone 6, секако се до моментот додека Apple не ги презентира новите смартфони, за кои да бидеме искрени нема никакви возбудливи информации и се оди во правец на тоа дека ќе видиме мала надградба од претходната година.

 

Автор

 

Христијан Станоевиќ