Apple го саботира Џеј Зи и музичкиот сервис Tidal
Објавено на 27.04.2015 во Новости
Реперот милионер Џеј Зи е бесен на веќе утврдените конкуренти кои според него го саботираат Tidal неговиот нов музички стриминг сервис со негативна кампања. Tidal при самиот пласман пред еден месец го достигна 19-тото место на популарност на апликации во App Store, но веднаш потоа падна на дури 700-тото место.
.jpg)
Apple навистина има големи мотиви да го спречи Џеј Зи и Tidal бидејќи подготвува сопствен стриминг сервис кој ќе биде спој на iTunes и Beats Music. Голем број на музичари кои му покажаа лојалност на Џеј Зи сега се жалат дека Apple ги одложува договирите со нив и најверојатно нема да ги вклучи во понудата на Beats.
Од друга страна Џеј Зи може колку сака да плаче и да ги обвинува Apple и Spotify за саботажа, но реалноста е дека Tidal е премногу скап и со месечна претплата од 20 долари нуди само музика со повисок HD квалитет, но нема бесплатна музика понуда.
Замислата на Џеј Зи беше да ги обедени големите музички ѕвезди како Бијонси, Мадона, Кање Вест, Дафт Панк и уште многу други и голем дел од заработката да оди како надомест за авторските права, но притоа новите инди и независни музичари беа незадовлни сметајќи дека Tidal е платформа само за милионерите.
Текстот не смее да се печати или емитува, во целина или во делови без договор со Telefoni.mk.
