Основачот на BioNTech открива дека пандемијата може да биде ставена под контрола

Угур Сахин, основачот на BioNTech, кој со Pfizer ја разви вакцината против COVID-19, верува дека вирусот до крајот на летото може да биде ставен под контрола во повеќето европски држави и во САД.

„Во многу европски земји и САД, до крајот на летото веќе нема да има потреба од затварања“, вели основачот на BioNTech.

Германците се се повеќе нетрпеливи околу рестрикциите воведени поради коронавирусот, а владите на државите во Европската унија се критикуваат поради бавното вакцинирање на населението и потешкотиите во набавката на вакцините. Сахин смета дека тие проблеми се привремени и дека е возможно да се вакцинираат 70% од Германците до крајот на септември и дека вирусот тогаш нема да биде толкав проблем.