Samsung започна со тестирање на Jelly Bean за Galaxy Ace 2

Samsung Galaxy Ace 2, наследникот на популарниот смартфон Galaxy Ace, ќе ја добие долго очекуваната надградба Jelly Bean. Како што се очекуваше, Galaxy Ace 2 ќе го прескокне ICS и ќе го добие Android 4.1 Jelly Bean.

Samsung веќе почна со тестирање на Jelly Bean за Galaxy Ace 2, според SamMobile, за што има и докази од тест верзијата со ажурирани опции.

Android 4.1.2 Jelly Bean за овој смартфон се очекува да се појави во месец март или април. Со оваа надградба, исто така, ќе биде ажурирана и најновата верзија на интерфејсот TouchWiz Nature UX.

Исто така, се шпекулира дека Samsung наскоро ќе започне со тестирање на фирмварот и за други телефони од средната класа како Galaxy Beam, Galaxy Music, Galaxy Chat, Galaxy Ace Plus и Galaxy Mini 2.