Bing има најголем ќар од Android 6.0 Marshmallow
Microsoft успеа повторно да го претрка Google и тоа со неговите ресурси од Android 6.0 Marshmallow кој се уште не е официјално достапен, но затоа пак Bing веќе ги има новите опции како Google Now on Tap. Сега со Bing ќе може да ја пребарувате било која содржина од апликациите, од сликите и текстовите и ќе добиете интернет резултати без напуштање на самата апликација.
За попластично да објасниме, на пример гледате видеа на YouTube и со долго притискање на главното копче ќе ви се активира опцијата за интернет пребарување. Па, така ако гледате трејлер за некој филм може да добиете информации за актерите, оценки и рецензии, па дури и директно да резервирате билети за во кино. Новата верзија на Bing за Android веќе е достапна за превземање од Play Store.
