Pantech Vega – непознато, но добро
Објавено на 07.10.2011 во Новости
Искрено, тешко некој да има слушнато за оваа компанија која неодамна во САД го претстави нејзиниот најнов смартфон со Pantech Vega со LTE технологија и Android OS.
Иако не се знае како би се покажал телефонот, ниту пак како ќе биде прифатен од јавноста, сепак од фотографиите се гледа дека има интересен дизајн, а „документите“ велат и добри перформанси.
Pantech Vega доаѓа со 4,5 инчен дисплеј и резолуција од 1280 x 800 пиксели. Ако и тоа не ве заинтересира, телефонот доаѓа со дво-јадрен процесор од 1.5GHz, 1GB RAM меморија, огромна батерија од 1,860 mAh, дури 16GB внатрешна меморија, NFC, T-DMD за гледање на TV и, веќе споменатата, LTE технологија.
Овој смартфон доаѓа од Јужна Кореја и се разбира дека најпрво ќе излезе таму, но има некои најави дека може да го видиме и на другите континенти.
Целта на ваквите компании е да понудат смартфони со добри перформанси, а пониска цена, за разлика од познатите компании кои нудат слични перформанси, но по која цена?!
Текстот не смее да се печати или емитува, во целина или во делови без договор со Telefoni.mk.