10 дена до лансирањето на Windows 8
Со големо нетрпение се очекува новиот оперативен систем на Microsoft, Windows 8, кој ќе биде сосема различен од претходните верзии. Датумот на официјалната промоција е закажан за 26 октомври, а според првите слики и видеа може да се забележи дека се работи за многу иновативен софтвер.
Од Microsoft долго време се очекува да лансира софтвер кој ќе го промени досегашното користење на персоналните компјутери, а ваквиот развој е мотивиран најмногу од иновациите во оперативните системи наменети за смартфоните и таблетите. Со Windows 8 се очекува да се отиде еден голем чекор напред кој ќе донесе слична употреба преку екрани на допир и оперативен систем кој ќе се прилагодува на потребите на корисникот.
Веднаш по промоцијата на Windows 8 следува и Windows Phone 8 кој ќе го видиме на 29 октомври и долго очекуваните уреди од Nokia, HTC и Samsung кој ќе работат на новата платформа. Дотогаш погледнете ја првата реклама за Windows 8 како загревање.
