Need For Speed Most Wanted сега достапна за iPhone и Android

Токму на време, пристигна една од најочекуваните игри за мобилни - Need For Speed Most Wanted.

Новото продолжение на популарната франшиза ги следи чекорите на претходните изданија и нуди добри трки против полициски автомобили, компјутерски противници и вистински противници – онлајн.

Нејзиното дизајнерско студио ја опишува како „најопасна Need for Speed досега“.

Во неа има над 35 уникатни автомобили, од SRT Viper GTS и Porsche 911 Carrera S до Hummer H1 Alpha и многу повеќе. За поголема реалност, вклучено е вистинско уништување на автомобилите, а како и секогаш, достапни се модификации и надградби за нив.

iOS верзијата чини 10 долари и можете да ја преземете од тука, додека верзијата за Android е поевтина за 3 долари и можете да ја преземете од тука.