Pantech Vega е нов шест инчен смартфон

Корејската компанија Pantech наскоро ќе лансира нов шест инчен смартфон кој најпрво ќе се појави на домашно тло, а потоа можен е и негов пласман на останатите пазари во светот.

Pantec Vega е уште еден смартфон со огромен екран, тренд што очигледно ќе завладее оваа година, со оглед на веќе лансираниот Huawei Ascend Mate, како и вчера најавениот смартфон на Sony. Овој нов уред на Pantech е прогласен за најголемиот смартфон со Full HD резолуција.

Освен големиот екран, Pantech Vega поседува и солиден хардвер составен од четири-јадрен Qualcomm Snapdragon S4 Pro процесор, графичка Adreno 320 GPU, 2 GB RAM, 13 MP камера, LTE Radio, додека на оперативниот систем ќе биде инсталирана верзијата Android 4.1 Jelly Bean.