iPad mini го засени поголемиот брат
Според извештаите на продажба, лансирањето на iPad mini предизвика намален интерес за поголемта верзија на таблетот на Apple iPad и тој тренд ќе продолжи и оваа година. Се очекува во 2013-та да се продадат повеќе од 55 милиони iPad mini таблети иако оваа верзија има пониска резолуција на екранот и послаби хардверски перформанси.
Во наредниот период се очекува да излезе подобрена верзија на iPad mini со Retina Display и побрз процесор за кој се претпоставува дека ќе биде новиот A7 чипсет на Apple. Една од причините за поголемата популарност на iPad mini е неговата пониска цена, која изнесува околу 350 долари, а исто така тој е покомпактен со големина на екранот од 7.9 инчи.
Сепак интересот за таблет со големина на екранот од 10 инчи не е намален само кај Apple, туку и таблетите на Android со слична големина исто така бележат пад на продажбата. Најпопуларни таблети за минатата година се Nexus 7 на Google и iPad mini на Apple. Од останатите брендови добар успех имаа и таблетите од Amаzon Kindle Fire, додека Microsoft Suface беше најголемо разочарување за 2012-та.