Android Jelly Bean ќе добијат повеќе Sony телефони
Објавено на 23.04.2013 во Новости
Sony Mobile најави дека до крајот на оваа недела ќе биде лансирана голема надградба на оперативниот систем Android со неговата најнова верзија Jelly Bean за повеќе мобилни телефони кои беа промовирани во 2012-та година.
Според објавата на Sony Mobile сопствениците на смартфоните Sony Xperia P, Sony Xperia Go, Sony Xperia S, Sony Xperia SL, Sony Xperia acro S и Sony Xperia ion ќе имаат голема причина за задоволство бидејќи конечно ќе ја добијат најновата и досега најдобрата верзија на Android Jelly Bean.
Досега ваквата надградба ја имаше само Xperia TX, а интересно е што заедно со Android Jelly Bean дојдоа и неколку софтверски новитети кои се дело на Sony, но во овој момент не е познато дали истиот третман ќе го добијат и овие шест смартфони. Доколку поседувате еден од нив оставете ни коментар дали ја добивте оваа надградба навреме и колку сте задоволни од промената.
Текстот не смее да се печати или емитува, во целина или во делови без договор со Telefoni.mk.
