Lenovo има таблет голем колку маса
Објавено на 29.04.2013 во Новости
Најновиот производ на Lenovo може слободно да влезе во Гинис како најголемиот таблет со екран од 27 инчи. Таблетот Lenovo IdeaCentre Horizon Table PC, освен огромниот екран, како што може да видите има и километарско име, па да видиме на кратко што се ќе понуди.
Lenovo IdeaCentre Horizon Table PC е толку голем што може да го користат истовремено повеќе лица бидејќи има 10 посебни точки на управување. Освен џиновскиот екран овој таблет може да се пофали и со неверојатниот футуристички интерфејс кој наликува на технологијата од научно-фантастичните филмови.
За ваков голем уред се очекува и врвен хардвер кој е составен од Intel Core i7 процесор, 8 GB RAM, 1 TB хард диск, 720p HD камера и вообичаени портови за конекција. За оперативниот систем е задолжен Windows 8.
Lenovo IdeaCentre Horizon Table PC всушност и не e класичен таблет, туку преносен компјутер со екран на допир. Неговата батерија обезбедува само два часа активна работа а, за да го поседувате ова чудо од технологија ќе треба да издвоите 1.700 долари.
Текстот не смее да се печати или емитува, во целина или во делови без договор со Telefoni.mk.
