BlackBerry A10 се појави во ексклузивно видео

BlackBerry очигледно наскоро планира да лансира нов BlackBerry 10 телефон за да се натпреварува со своите ривали. Според ексклузивен извештај, единствениот останат BlackBerry 10 смартфон за лансирање оваа година е високо квалитетниот BlackBerry А10. Денес веќе се појавија и првите слика од претстојниот предводник BlackBerry А10, како и првото видео објавено од страна на виетнамски блог Tinhte.vn.

Заедно со видеото, страната ги објави спецификациите кои вклучуваат 1.7GHz dual-core Qualcomm MSM8960 процесор, 5-инчен AMOLED дисплеј, 8-мегапикселна задна камера, 2-мегапикселна предна камера, 2GB RAM , 16GB внатрешна меморија и 2,800 mAh батерија. Целото видео следи подолу, заедно со неколку високо-квалитетни слики.