Откриени дел од спецификациите на HTC One II
Објавено на 16.11.2013 во Новости
![Откриени дел од спецификациите на HTC One II](https://telefoni.mk/sliki/Image/sliki_novosti/large/htc_m8530x290_161113_080342.jpg)
Следниот водечки смартфон на тајванскиот производител HTC сеуште нема добиено официјално име и за сега се води како наследник на HTC One или HTC M8, но тоа е најмалку важно бидејќи објавени се можните спецификации за овој одличен смартфон.
![](/sliki/ckfider/images/HTC One Android 4_2_2(1).png)
На листата нема поголеми изненадувања па така е наведен четири-јадрениот Qualcomm Snapdragon 800 процесор со брзина од 2,3 GHz, 2 GB RAM и 16 GB вградена меморија. Забележителен напредок ќе има кај екранот кој ќе достигне големина од 5 инчи со Full HD резолуција од 1080p, додека пак камерата можно е да биде заменета со нова од 13 мегапиксели.
Бидејќи смартфонот се планира за почетокот на 2014-та година тој сигурно ќе биде лансиран заедно со новата верзија на оперативниот систем Android 4.4 KitKat и отприлика ова се сите очекувани компоненти за HTC One II. Можни се и изненадувања бидејќи до тогаш има доволно време за нешто неочекувано.
Текстот не смее да се печати или емитува, во целина или во делови без договор со Telefoni.mk.