Samsung повторно го напаѓа iPhone - Galaxy S5 е тука да владее
Објавено на 26.04.2014 во Новости
Samsung Mobile ја сними најновата реклама од добро познатата кампања The Next Big Thing is Here во која главен фокус беше ставен на премиум смартфонот Samsung Galaxy S5 но, секако без провокација и директен кон Apple и iPhone не помина ниту овој пат.
Според Samsung со Galaxy S5 може да правите фантастични слики кои имаат двојно подобра резолуција отколку со камерата на iPhone, а голем дел од рекламата е посветен и на новите опции за рефокусирање и правење слики додека снимате.
Еден од главните адути на Samsung Galaxy S5 е водоотпорниот дизајн кој ви овозможува поголема сигурност, а исто така е истакнат и големиот 5.1 инчен екран заедно со сензорот за фитнес, односно се што во овој момент му недостасува на iPhone.
Токму кампањата The Next Big Thing is Here нанесе голема штета на угледот и престижот на Apple и Samsung тврди дека токму тоа е причината за мега тужбата од повеќе милијарди долари, но и покрј тоа Samsung продолжува да се закача.
Текстот не смее да се печати или емитува, во целина или во делови без договор со Telefoni.mk.
