Samsung повторно се сопна со Tizen
Објавено на 29.07.2014 во Новости
Samsung Mobile официјално соопшти дека го одложува лансирањето на првите смартфони кои ќе работат на нивниот оперативен систем Tizen, а еден од нив беше Samsung Galaxy Z кој беше планирано да се пласира во Русија кон средината на есента.
Од оваа одлука најзадоволен е секако Google кој и понатаму ќе има солидна позиција бидејќи Samsung ќе зависи од оперативниот систем Android и нема да ја добие посакуваната контрола на софтверот со сопствениот Tizen.
Тоа, секако не значи и целосен пораз на Samsung бидејќи постои голема веројатност за склучување на подобар договор со Google за предност при добивање на надградбите на Android и други бенефиции. Samsung објасни дека потребно е подолго време за дополнителен развој на Tizen платформата и привлекување на повеќе апликации и сервиси.
Текстот не смее да се печати или емитува, во целина или во делови без договор со Telefoni.mk.
