Microsoft организира програмерски маратон
Објавено на 30.07.2014 во Новости
Microsoft организира масовен хакатон, настан во кој маратонски се програмира без престан во рок од 36 часа. Целта на компанијата е да ги ангажира сите вработени кои ќе може да ги претстават своите идеи, наместо да работат на секојдневните задачи и обврски.
Сатја Надела главниот извршен директор на Microsoft истакна дека е време да се стави крај на критицизмот во компанијата и да се превземат конкретни чекори за надминување на проблемите и секако креирање на нови апликации, сервиси и услуги.
На програмерите на Microsoft ќе им се придружат тимови од целиот свет со што се добива бројка од 10.000 учесници кои до крајот на хакатонот во Редмонд ќе имаат почетни производи и најдобрите идеи ќе добијат подршка од Сатја Надела и ќе се развиваат во иднина.
Текстот не смее да се печати или емитува, во целина или во делови без договор со Telefoni.mk.