Првите тест резултати од Samsung Galaxy Note 4 се импресивни
Објавено на 20.08.2014 во Новости
На интернет сајтовите за мерење на перформанси беа извршени првите тестови на можностите на Samsung Galaxy Note 4 кои постигнаа вистински рекорди. Новиот фаблет ќе има две различни верзии кои како и досега ќе користат или Qulacomm процесор или Exynos чипсет кој е дело на Samsung.
Верзијата на Samsung Galaxy Note 4 која работи на осум-јадрениот Exynos 5433 процесор со big.LITTLE архитектура со 1.3 GHz постигна фантастичен резултат на AnTuTu од 40.303 поени. Овој чипсет е надополнет со ARM Mali T760 графичка карта која ќе руши рекорди во делот на графиката и визуелната презентација.
Вториот модел е управуван од четири-јадрениот Qualcomm Snapdgragon 805 процесор од 2.5 GHz, надополнет со Adreno 403 графичка карта и на AnTuTu достигна подеднакво импресивни 37.780 поени.
Заедничко за двата модела е што ќе имаат 5.7 инчен Quad HD дисплеј со резолуција од 2560 х 1440 пиксели, ќе работат на 3 GB RAM, со 16 мегапикселна камера и Android 4.4.3 KitKat за оперативниот систем. Samsung Galaxy Note 4 официјалната промоција ќе ја дочека на 3 септември во Берлин на IFA саемот.
Текстот не смее да се печати или емитува, во целина или во делови без договор со Telefoni.mk.
