Samsung го претстави Galaxy Tab 4 Nook - Таблет за читање
Објавено на 21.08.2014 во Новости
Samsung Mobile и Barnеs and Noble претставија заеднички таблет кој ќе ги има сите функции од серијата Galaxy Tab 4 и ќе биде наменет за љубителите на литературата бидејќи Nook е пред се замислен како електронски читач со голем избор на е-книги.
Galaxy Tab 4 Nook ќе понуди и голем избор на мултимедијална содржина за секој купувач во вредност од 200 долари каде може да најдете списанија, стрипови, книги и ТВ шоуа. Barnеs and Noble конечно се откажаа од креирање на сопствен таблет, па затоа задачата му ја доверија на Samsung кој може да понуди евтин и ефикасен уред.
Samsung Galaxy Tab 4 Nook има 7 инчен HD дисплеј со резолуција од 1280 x 800 пиксели, работи на четири-јадрен процесор со Cortex A7 технологија, 8 GB меморија со слот за microSD мемориска, 3 мегапикселна камера, батерија која издржува 10 часа работа и Wi-Fi конекција.
Samsung Galaxy Tab 4 Nook има целосен пристап до апликациите за Android во Play Store и ќе се продава по цена од само 179 долари.
Текстот не смее да се печати или емитува, во целина или во делови без договор со Telefoni.mk.
