Не еден, туку доаѓаат два нови Google Nexus смартфони
Објавено на 28.08.2014 во Новости
Пред само еден месец речиси сите беа подготвени да ја погребаат Nexus серијата на смартфони со тврдењата дека Google ќе лансира сосема нова Android Silver програма, кога ете се појавуваат дури два Nexus модели кои се тестирани од страна на Motorola.
На интернет сајтовите за мерење на перформанси се појави најпрво моделот Motorola Nexus Shamu кој ќе има големина на екранот од 5.2 инчи, а сега одеднаш на површина исплива и долго очекуваниот Nexus X фаблет со екстра големина од дури 5.9 инчи.
Причината поради која овие смартфони долго време се држени во фиока е неочекуваната продажба на Motorola Mobility на Lenovo кој се уште чека регулаторите да ја потврдат зделката, па затоа до крајот на година Google може да го искористи правниот вакум и да и дозволи на Motorola да ги промовира двата нови Nexus смартфони. Тие со сигурност ќе работат на најновата верзија на Android 5.0 и ќе имаат одличен хардвер за цена од 350 до 400 долари.
Текстот не смее да се печати или емитува, во целина или во делови без договор со Telefoni.mk.
