iPhone 6 во Македонија од 31 октомври
Објавено на 14.10.2014 во Новости
![iPhone 6 во Македонија од 31 октомври](https://telefoni.mk/sliki/Image/sliki_novosti/large/2014/10/apple-iphone-6530x290_141014_172337.jpg)
Apple до крајот на овој месец ќе ги лансира новите модели на iPhone 6 и iPhone 6 Plus во над 30 земји меѓу кои е и Македонија. Операторот Вип претходно го најави доаѓањето на најбараниот смартфон iPhone 6 кој веќе може да се купи по цена од 35.999 денари или пак за 1499 месечна рата во тарифата Vip Free+ NoLimit+, додека пак ОНЕ и Т-Мобиле само што потврдија дека ќе го обезбедат за своите корисници од 31 октомври.
![](/sliki/ckfider/2014/10/images/iPhone 6 One.png)
Цената на iPhone 6 во ОНЕ и Т-Мобиле се уште не е соопштена, нути пак има информации дали ќе биде понуден со попуст во некоја специјална или веќе постоечка пост-пејд тарифа, додека пак сумата само за телефонот може да претпоставиме дека ќе биде над 600 евра.
![](/sliki/ckfider/2014/10/images/iPhone 6 T-Mobile.png)
iPhone 6 е најтенкиот смартфон на Apple досега со само 6.9 милиметри, а воедно е и значително поголем со 4.7 инчен HD дисплеј, А8 процесор со 64 битна архитектура, 8 мегапикселна Sight камера, додека пак за софтверот е употребена најновата верзија на iOS 8.
![](/sliki/ckfider/2014/10/images/iphone 6 and iphone 6 plus.jpg)
Фаблетот iPhone 6 Plus од 5.5 инчи ќе биде достапен во помали количини и е поскап за околу 50 евра со основниот пакет од 16 GB вградена меморија.
Текстот не смее да се печати или емитува, во целина или во делови без договор со Telefoni.mk.