iPhone 6s со прва листа на спецификации
Објавено на 13.05.2015 во Новости
Од аналитичарот Минг Чи Ку кој редовно ги следи новитети на Apple доаѓа и првата прогноза за техничките спецификации на iPhone 6s кои отприлика се поклопуваат со сите досегашни протечени информации за смартфонот и изгледаат многу реално, барем засега. Според прогнозите Apple и оваа година ќе претстави два смартфони со 4.7 и 5.5 инчи со моделите iPhone 6s и iPhone 6s Plus.
iPhone 6s би требало да работи на нов А9 процесор кој ќе биде изработен од Samsung со моќни перформанси со 14 nm слично како кај Exunos 7420. Хардверот ќе биде надополнет со 2 GB LDDDR4 GB RAM, а ќе биде применета и force touch технологијата која е дел од Apple Watch. iPhone 6s ќе има 12 мегапикселна камера, додека пак резолуцијата на дисплејот ќе дојде до Full HD стандардот.
За iPhone 6s Plus најверојатно хардверот ќе биде со иста моќ и перформанси, но подобри адути ќе има во дисплејот за кој можеби ќе се искористи Quad HD дисплеј, а се претпоставува и дека батеријата ќе биде поиздржлива. Производството на iPhone 6s и iPhone 6s Plus ќе започне во август, а промоцијата ќе се одржи на крајот на септември.
Текстот не смее да се печати или емитува, во целина или во делови без договор со Telefoni.mk.
