Нови информации за HTC One Max
Објавено на 11.09.2013 во Новости
Според последните информации на сајтот evleaks фаблетот HTC One Max ќе пристигне во Америка и ќе се продава кај операторите Sprint и AT&T. Овој извор на информации има голема кредибилност и често прв ги открива вестите за новите смартфони.
HTC One Max инаку се води под кодното име T6 и ќе биде продолжение на серијата смартфони One, но со поголем екран од 5.9 инчи со HD резолуција од 1080 x 1920 пиксели, ќе работи на четири-јадрениот Qualcomm Snapdragon 800 процесор со брзина од 2.3GHz, со 2 GB RAM и супер издржива батерија со капацитет од 3200mAh. Од повозбудливите информации се споменува и дека фаблетот ќе има скенер за отпечатоци, слично како и кај iPhone 5S.
Фаблетот HTC One Max ќе го задржи дизајнот на неговиот помал брат HTC One, но сеуште нема информации дали ќе биде искористена ultra pixel камерата. Од друга страна пак HTC One Max ќе има тешка задача да се спротистави на сличните уреди како Samsung Galaxy Note 3, Sony Xperia Z Ultra, како и најавениот фаблет на Nokia Lumia 1520.
Текстот не смее да се печати или емитува, во целина или во делови без договор со Telefoni.mk.
